Di parti di e presidente di e Union Sindikal Boneriano, den persona di Chaly Anthony a pidi un reunion ku gezaghebber Emerencia den su kalidat komo promé mandatario di Boneiru. E union sindikal aki ta konta ku afiliashon di e sindikatonan ABVO, SIMABO, AFBW, FEDEBON, BPWU i NAPB.
Segun e karta, mirando ku nan a manda dos karta pa solisitá un reunion ku AVA di WEB N.V. sin haña niun reakshon, ta motibu pa solisitá un reunion di urgensia ku gezag pa haña informashon pa lokual ta trata e último desaroyo enkuanto di WEB N.V. i Ecopower.
Finalmente nan ta urgí sra. gezaghèber pa konvoka un reunion ku gremionan sosial di Boneiru mas pronto posibel i promé ku e reunion di Konseho Insular ku ta plania pa tuma lugá den kurso di otro siman pa por haña klaridat riba e partikularidat aki.
