E hòmber di Statia, Selvio Blair, a aparesé dilanti korte na Boneiru pa responsabilisá e akusashon di den anochi di 21 pa 22 di aprel último (2012) a purba na mata su eks, hinkand’é ku kuchú na diferente parti di su kurpa. Sekundario el a maltratá e eks i e segundo akusashon ta ku Blair a maltratá tambe yu di e señora en kuestion.
Tur esaki a kulminá durante Blair i su eks tabatin diskushon riba e terser persona. A bin Sali na kla, ku Blair tabata obligá e señora di bishit’é na su vivienda i tene relashon kuné. Riba e dia ei tambe Blair a invitá e señora, pero esaki no a presentá. Na dado momentu Blair a nota ku e terser persona a Sali e kas. El a yama e señora na telefon pa puntr’é kiko tin. E señora a bis’é pa laga e sita pa e siguiente dia. Ora el a puntra e señora kiko presensia di e di terser persona tabata na e kas, e eks a bis’é ku ta su pañanan (laundry) el a bin tuma.
Blair a laga tumba pa kas di e señora pa pone preshon pa e señora bai kuné. Durante su rankamentu e yu di e señora a Sali i a gara Blair na su kabei largu, pa e laga su mama bai. Aki Blair lo mester a dal e yu (Mimi), ounke e ta bisa di a push’é. E yu a deklará ku Blair tabata dal su mama i tabatin un kuchú ku el a hinka e mama kuné. Blair ku tambe ta wòrdu yama Driver, a atmití ku el a dal e mama i pusha Mimi i ku e kòrtánan kisas tabata aksidentalmente dor di rankamentu di e mama el a risibí esakinan. Un dje hinkánan pega ku su garganta por tabata fatal si esaki a kue su ardu mayó.
Blair tin un registrashon na hustisia for di 1988, 25 aña pasá ku el a inisiá e mancha di su karchi kastigu. Tabatin delito pa arma di kandela sin pèrmit i su último sentensia tabata na 2010 di kua ainda su periodo di prueba no a vense. E ta un usadó di droga pa tempu largu i tabata bou di tratamentu di Fundashon Mariadal (un institushon di adikshon).
