Komo parti di selebrashon di su 50 aniversario di eksistensha na Boneiru, Maduro & Curiel’s Bank (Bonaire) N.V. a rifa un premio den kuadro di Kopa Futbol Europeo entre su klientenan ku a bishitá nan brènchnan, ku su kampaña “Grita Gooaaaallll ku MCB durante di EuroCup 2012”. E ganadornan tabata sr. Silvano Pourier, sr. Ronald Alders i E.N. Keller.
Djaweps último dia 12 di yuni 2012, a hasi entrega di premio na e felis ganadornan, durante torneo di futsal na Sporthal, den kompanía di Bo Banko Amigu su tim kampeon di futsal. Riba e foto por apresiá ganador sr. Ronald Alders i un representante di ganador sr. Silvano Pourier ku nan bunita premio di e kampaña “Grita Gooaaaallll ku MCB durante di EuroCup 2012”, huntu ku e tim di futsal di empleadonan di Maduro & Curiel’s Bank (Bonaire) N.V., Bo Banko Amigu, selebrando su 50 aniversario ku pueblo di Boneiru.
