Asina lihé nos a yega na final di aña eskolar 2011-2012. Diputado sra. Silvana Serfilia kier a felisitá tur hóben ku a gradua i tambe tur muchanan ku a sa di pasa pa e siguiente grupo, ku e bon resultadonan di e aña aki.
Tambe un felisitashon ta bai na tur e dosentenan ku e siman aki ainda ta trahando riba e parti atministrativo pa será e aña eskolar aki. Boso esfuersonan a kontribuí na e tremendo resultadonan di e aña eskolar ku ta tras di lomba.
Un deseo di un vakashon bon meresí na boso tur, sosegá bon pa asina nos por kuminsá na ougùstùs benidero ku hopi ánimo.
