Resientemente gezaghebber di Boneiru dr. Lydia Emerencia riba invitashon di direktiva di BONHATA (asosashon di hotèlnan di Boneiru) pa papia riba turismo i posibilidatnan ku Boneiru tin pa progresá aun mas den turismo, asina aportá na ekonomia di Boneiru generalmente.
Ta asina den su kalidat di promé mandatario BONHATA a reuní ku gezaghebber Emerencia pa asina informá e promé mandatario di e aktividatnan i plannan ku BONHATA tin i ta desplegando pa adelanto di turismo na Boneiru. Gezaghebber Emerencia a keda hopi satisfecho di a risibí un splikashon ekstenso di e bo trabounan di BONHATA na benefisio di ekonomia di Boneiru en general i partikularmente di turismo.
Tambe e direktiva di BONHATA a kombersá tokante e diferente reto i posibilidatnan pa duna mas empuhe na turismo di Boneiru, mirando e importansia kardinal di turismo pa desaroyo di Boneiru. Gezaghebber a keda hopi satisfecho ku e informashon risibí serka direktiva di BONAHATA i lo duna su apoyo, unda ta posibel na e trabou i plannan di BONHATA pa turismo di Boneiru.
Potrèt ta mustra miembronan di direktiva di BONAHATA huntu ku gezaghebber dr. Lydia Emerencia na ofisina di BONHATA resientemente.
