Hefe di e kompania Bonaire Air Services (BAS) N.V. sr. Hermelijn i e representante di KLM sr. Dekiewit a hasi entregá di un regalu na e empleado ku a ser eskohí komo e ‘emplado regional di KLM’. Ta trata aki di sra. Soesma de Palm, supervisor i passenger handler di e kompania BAS ku djamars a ser eskohí komo e ganadó di ‘customer centricity contest’, abase di e 7 servisionan stándart ku ta wòrdu preskribí pa e kompania KLM. Sra. de Palm a skor un averahe di 6 di e 7 puntonan. E premio aki ta wòrdu otorgá kada kuartal na un òf otro empleado ku a sa di kumpli ku e 7 servisio stándartnan.
Riba e potrèt por mira sta. Soesma de Plam risibiendo su premio serka sr. Hermelijn di BAS i sr. Dekiewit di KLM. Un pabien pa sra. Soesma de Palm.
